أحداث مغامرات دكتور عقل والخارقون الأربعة
لاحظ الدكتور عقل أن الأسطى حسين يحاول إنكار ما يفعله بكلاب الحارة.
ولم ينجح الحوار معهم، قال له: «تمام يا حسين.. يبقى اللى بيتقال عليك ده مش حقيقى.. أنا بعتذر لك»، فرد حسين وهو يتظاهر بالبراءة: «ولا يهمك يا دكتور.. إن بعض الظن إثم برضه».
وعلى الفور اجتمع دكتور عقل بأطفاله الأربعة: نغم وملك وحكيم ونور، وأخبروه بما دار بينه وبينه الأسطى حسين، وفكروا في طريقة تجعله يكف عن إيذاء الكلاب.
فألقى حكيم مكعباته على الأرض لتتكوّن كلمة «كارما»، فقال دكتور عقل فورا: «صح.. صح».
ثم أحضر دكتور عقل بمشاركة الأطفال بعض المواد، وأعدّ صينية كيكة برتقال يعلم أن الأسطى حسين يحبها، وتوجه إلى ورشته في الحارة، وجلس معه قائلاً: «أنا حاسس إنى آخر مرة زعلتك منى بسبب اتهامك بتسميم الكلاب، وفكّرت فىّ أنى مخطئ، وأنت جارك بقالك سنين وما شوفتش منك غير كل خير. عشان كده عملت لك كيكة البرتقال اللى بتحبها، وادعوك لأصالحك بيها.. يلا اعزمنا على كوب شاى».
فرد حسين: «حصل خير يا دكتور.. أحلى كوب شاى هعمله لك مخصوص بإيدى».
أبطال الهمم
شعر دكتور عقل بأن جزءاً من خطته قد نجح، وعندما بدأ حسين يسكب الشاي، كان دكتور عقل قد قطع الكيكة إلى قطعتين، وأعطى إحداهما للأسطى حسين، الذى أكلها بنهم. وبعد دقائق، بدأ يتألم ويضع يده على بطنه قائلاً: «أنت حطيتلى فى الأكل إيه؟».
فقال له دكتور عقل: «حطيت لك حاجة تخليك تحس باللى الكلاب بتحسّ بيه لما بيتأذَّوا».
فزع حسين وقال: «إيه؟!.. أنا هبلغ عنك البوليس!» فرد عليه الدكتور بهدوء: «استنى بس.. مفيش سم، دى مجرد خلطة آمنة خلتك تحس بألم مؤقت، عشان تدرك قد إيه اللى بتعمله فيهم مؤلم وقاسي».
تجمّد حسين فى مكانه، وبدأ يدرك الدرس الذى أراد دكتور عقل أن يوصل إليه.
