أعلن أهل الحي فوز حكيم بلقب أحسن طفل في الحارة، فاندفع أصدقاؤه يهتفون باسمه بصوت عالٍ.
ورأى الدكتور عقل غضب رامز وأصدقائه، فتوجه إليهم وقال: “شوفتوا يا ولاد؟ حكيم رغم إنه بيعانى من صعوبات ذهنية بسيطة، لكنه عرف يجاوب على الأسئلة ويفوز عليكم، علشان تعرفوا إن الإعاقة الحقيقية هى إعاقة الروح اللى بتخلينا نرفض اختلاف الآخر، اللى هو فى الحقيقة بيميزه عننا”.
رد رامز وأصدقاؤه: “عندك حق يا دكتور عقل”.
قالوا: “نوعدك نحسن معاملة حكيم ونبطل تنمرنا على غيرنا”.
شعر دكتور عقل بالسعادة وقال لهم: “أنا فخور بيكم يا ولاد”، ثم احتضنهم وهو يعلمهم أهم درس وهو تقبل اختلاف الآخر.
مغامرات د عقل والخارقون الأربعة
اجتمع دكتور عقل بالأطفال كعادتهم قبل المغرب، ولاحظ أن الطفلة نغم تجلس حزينة وعينيها مليئتين بالدموع، فسألها: “مالكِ يا نغم؟ حزينة كده ليه؟ احكي لي”.
أجابت نغم وهي تحاول حبس دموعها: “عم حسين النجار بيؤذي كلاب الشارع، بيضربهم وبحط سم في أكلهم، ومرة اشتكت كلبة من بينهم لأنها فقدت أطفالها الخمسة بعد أن أكلت طبق كشري كان عند محل عم حسين، والكل سم فئران”.
حزن دكتور عقل عندما سمع كلام نغم، وقال لها بحزم: “حسين لازم يقف عند حده”.
فسأله نور: “هتعمل إيه يا دكتور عقل؟” فرد: “هفكر في حل”.
جلس الدكتور عقل إلى المنضدة وهو يفكر، ثم ضبط نظارته الطبية وقال: “بصوا يا ولاد، أنا هتكلم الأول مع عم حسين وأفهم منه بيعمل كده ليه، وبعد كده هقولكم على الخطة التي سننفذها”.
ذهب دكتور عقل إلى عم حسين النجار، الذي كان يعمل في ورشته، فاستقبله بحفاوة ودعاه إلى تناول كوب الشاي معه، لكن الدكتور عقل اعترض قائلاً: “أنت ليه بتسَمّ كلاب الحي؟ مش حرام عليك؟ دول روح زيك”.
حاول حسين في البداية إنكار الاتهام قائلاً: “أنا أسمم كلاب إزاي؟ استحالة أعمل كده، أنا بس بمشيهم من قدام الدكان علشان بيعملوا دوشة قدامي”.
